მედიცინისა და ჯანმრთელობის მეცნიერებათა სკოლა
მედიცინისა და ჯანმრთელობის მეცნიერებათა სკოლის მიზანია ადგილობრივ და საერთაშორისო დასაქმების ბაზრებზე ორიენტირებული კონკურენტუნარიანი, მაღალკვალიფიციური კადრების მომზადება და მათი ინტეგრაციის ხელშეწყობა მსოფლიო საგანმანათლებლო სივრცეში ჯანდაცვის სფეროში.
სკოლის ამოცანებია:
- საგანმანათლებლო პროგრამის უწყვეტი განვითარება და სრულყოფა;
- უახლეს ცოდნასა და გამოცდილებაზე დაფუძნებული განათლების მიღების შესაძლებლობის უზრუნველყოფა;
- ქართულ და უცხოურ უნივერსიტეტებთან ერთობლივი საგანმანათლებლო პროგრამების, სამეცნიერო-კვლევითი პროექტების და სხვა აკადემიური თუ სამეცნიერო საქმიანობის განვითარებისა და საერთაშორისო თანამშრომლობის პროექტების განხორციელების ხელშეწყობა;
- სამეცნიერო კვლევების სწავლებაში ინტეგრაციისა და ახალი ცოდნის დანერგვის ხელშეწყობა;
- სტუდენტისთვის შესაბამისი კლინიკური უნარების ჩამოყალიბებისთვის ადეკვატური სიმულაციური გარემოს შექმნა და კლინიკური გარემოს უზრუნველყოფა;
- სტუდენტზე ორიენტირებული აკადემიური გარემოს შექმნა;
- აკადემიური პერსონალის პროფესიულ განვითარებაზე ზრუნვა;
- აკადემიური თავისუფლების ხელშეწყობა;
- სტუდენტებში პროფესიონალიზმის ჩამოყალიბების ხელშეწყობა;
- სკოლის საგანმანათლებლო გარემოს განვითარება უნივერსიტეტისა და სკოლის სტრატეგიების შესაბამისად;
- სხვადასხვა სოციალურ აქტივობებში ჩართულობის გზით საზოგადოების განვითარების ხელშეწყობა;
სკოლის საბჭო
სკოლა არის ძირითადი საგანმანათლებლო და სამეცნიერო-კვლევითი ერთეული, რომელიც უზრუნველყოფს სტუდენტთა განათლებას მედიცინისა და სტომატოლოგიის სპეციალობებში და ანიჭებს მათ შესაბამის კვალიფიკაციას. სკოლის მმართველი ორგანოებია სკოლის საბჭო და დეკანი.
სკოლის საბჭო არის სკოლის მმართველი წარმომადგენლობითი კოლეგიური ორგანო, რომელიც მოიცავს სკოლის დეკანს, სკოლის აკადემიურ პერსონალსა და სტუდენტური თვითმმართველობის წარმომადგენლებს. სკოლის საბჭო:
- დეკანის რეკომენდაციით, შეიმუშავებს სკოლის სტრუქტურასა და დებულებას;
- აკადემიური წლის დასაწყისში განსაზღვრავს ერთიან ეროვნულ გამოცდებზე კოეფიციენტებს, ზღურბლებს და სკოლის საგანმანათლებლო პროგრამაზე მისაღებ სტუდენტთა რაოდენობას და დასამტკიცებლად წარუდგენს აკადემიურ საბჭოს;
- განიხილავს პროგრამის ინიციატორის მიერ წარმოდგენილ ახალ საგანმანათლებლო პროგრამას და ხარისხის უზრუნველყოფის სამსახურის დადებითი დასკვნის საფუძველზე დასამტკიცებლად წარუდგენს აკადემიურ საბჭოს;
- შეიმუშავებს სკოლის საგანმანათლებლო, სამეცნიერო-კვლევითი საქმიანობის ძირითად მიმართულებებს;
- განიხილავს და ამტკიცებს ინდივიდუალურ სასწავლო გეგმას;
- ამტკიცებს ლექციებსა და პრაქტიკულ ტრენინგებზე კოლეგიური ურთიერთდასწრების განრიგსა და შემადგენლობას;
- განიხილავს სასწავლო პროცესთან დაკავშირებულ საკითხებს და შეიმუშავებს მათზე რეაგირების მექანიზმებს;
- ამტკიცებს აკადემიურ ცხრილებს;
- განსაზღვრავს სკოლაში საკადრო ცვლილებების საჭიროებას, აკადემიური და მოწვეული პერსონალის საჭირო რაოდენობას (სამიზნე ბენჩმარკების გათვალისწინებით) და რექტორს წარუდგენს წინადადებას კონკურსის გამოცხადების შესახებ;
- სასწავლო უნივერსიტეტის სამოქმედო გეგმის შესაბამისად, შეიმუშავებს სკოლის სამოქმედო გეგმას და დასამტკიცებლად წარუდგენს აკადემიურ საბჭოს;
გზავნილი დეკანისგან
მედიცინა არის სფერო, რომელიც მუდმივად და სწრაფად ვითარდება. მიუხედავად იმისა, რომ ტექნოლოგიურმა მიღწევებმა მნიშვნელოვნად გააუმჯობესა დიაგნოსტიკისა და მკურნალობის მეთოდები, ბევრი რამ ჯერ კიდევ გაუხსნელი რჩება. თითოეული ადამიანის სხეული უნიკალურია და მოითხოვს ინდივიდუალურ მიდგომას.
უნდა აღვნიშნო, რომ მედიცინა ერთ-ერთი ყველაზე რთული სფეროა. თუმცა, მინდა ხაზი გავუსვა, რომ მარტივი რაღაცები არ შეიძლება იყოს საინტერესო ამავე დროს. საინტერესო დაკავშირებულია სირთულესთან და სიძნელესთან. თუ თქვენ არ ირჩევთ მარტივ გზებს, თუ თავგადასავლების მოყვარული ხართ, თუ ყოველთვის ეძებთ ინოვაციებს და ამოცანებს, თუ შრომისმოყვარე ინდივიდი ხართ და მეტიც, თუ გიყვართ ადამიანები, ამ შემთხვევაში მედიცინა არის ის სფერო, სადაც შეძლებთ საკუთარი თავის წარმატებით რეალიზებას.
ადამიანებთან ურთიერთობის სურვილი, მათი დახმარება და იმის შეგრძნება, რომ შეგიძლია შეცვალო ვიღაცის ცხოვრება უკეთესობისკენ, მოუტანო ბედნიერება არა ერთ, არამედ ბევრ ადამიანს ვიღაცის სიცოცხლისა და ჯანმრთელობის გადარჩენით - ნიშნავს, რომ თქვენ ექიმად დაიბადეთ.
ბათუმის BAU საერთაშორისო უნივერსიტეტი მიესალმება ასეთ სტუდენტებს. თავად უნივერსიტეტი ქმნის ყველა პირობას იმისთვის, რომ წაახალისოს თქვენი პროფესიონალად გახდომა.
საუკეთესო სურვილებით,
პროფ. ლეილა ახვლედიანი
მედიცინისა და ჯანმრთელობის მეცნიერებათა სკოლის დეკანი